A representación parlamentar ten que ser aproveitada para reforzar as nosas principais fortalezas, que non residen nas institucións, senón na nosa terra e fóra delas: na nosa organización popular, na capacidade de mobilización, no afortalamento do tecido social e na construción de espazos de disidencia.

Os movementos de liberación nacional supoñen un auténtico contrapoder, unha impugnación total do réxime e unha ameaza á súa propia viabilidade. Hoxe vimos de coñecer de xeito oficial o resultado do xuizo farsa que se celebrou no Tribunal Supremo...